მეგან მარკლი-პრინც ჰარის რჩეული

მეგან მარკლი ამერიკელი მსახიობია, რომელიც კინომოყვარულებმა სერიალიდან „Suits” გაიცნეს, სადაც ის ამბიციურ ადვოკატ რეიჩელ ზეინს ასახიერებს. სერიალი შეერთებულ შტატებში უკვე შვიდი წელია გადის. მიუხედავად იმისა რომ მეგან მარკლი ჰიტად ქცეული სერიალის ერთ-ერთი მთავარი ვარსკლავია, პრესა მან სულ სხვა მიზეზით, დაახლოებით ერთი წლის წინ აალაპარაკა, მაშინ როდესაც ცნობილი გახდა, რომ მეგანი ინგლისის სამეფო ოჯახის ყველაზე პოპულარული წევრის, პრინც ჰარის რჩეულია.
36 წლის ამერიკელმა მსახიობმა და 33 წლის ჟღალთმიანმა პრინცმა ერთმანეთი საერთო მეგობრის წვეულებაზე გაიცნეს, ერთმანეთს 6 თვის განმავლობაში ჩუმად ხვდებოდნენ. როცა ტაბლოიდებმა პრინც ჰარისა და მეგან მარკლის ურთიერთობის შესახებ შეიტყვეს, პრესაში უამრავი უარყოფითი სტატია და გამოხმაურება გაჩნდა. შეტევა იმდენად ძლიერი იყო, რომ განცხადება პრინცის თხოვნით სამეფო სახლის პრეს-სამსახურმა გაავრცელა და პრესას უკან დახევისკენ მოუწოდა. მეგანი ამბობს, რომ სტატიებს ყურადღებას არ აქცევდა-„ჩვენ ორი ადამიანი ვართ, რომელიც ძალიან ბედნიერი და შეყვარებულია. სანამ მსოფლიო გაიგებდა, ექვსი თვის განმავლობაში ერთმანეთს ჩუმად ვხდებოდით. ამ პერიოდში სულ ვმუშაობდი, ერთადერთი რამ რაც ჩემს ცხოვრებაში შეიცვალა ხალხის დამოკიდებულებაა ჩემდამი“.
მეგანი ლოს-ანჯელესში დაიბადა და გაიზარდა. დედა აფრო-ამერიკელი დორია რეგლანდი, ფისქოთერაპევტი და იოგას მწვრთნელია, მეგანის მამა, თიმას მარკლი კი ჰოლივუდში ერთ-ერთი ყველაზე წარმატებული განათების რეჟისორი. წლების განმავლობაში ის ერთ-ერთ ყველაზე პოპულარულ სიტქომების „Marrierd…With Children”-ისა და “General Hospital”-ის განათების რეჟისორი იყო. სწორედ მამის წყალობით მეგანმა ბავშვობის დიდი დრო გადასაღებ მოედანზე გაატარა-„ათი წლის განმავლობაში ყოველ დღე მე „Marrierd…With Children”-ის გადასაღებ მოედანზე ვატარებდი, რომელიც ერთდროულად სასაცილო და პერვერსიული სამყარო იყო პატარა გოგოსთვის, რომელიც კათოლიკურ სკოლაში სწავლობდა და უნიფორმაში იზრდებოდა“-იხსენებს მარკლი. „ყველაზე გასაოცარი ისაა, რომ ჩემი მშობლები მაშინ დაშორდნენ ერთმანეთს, როცა მე ორი წლის ვიყავი, მაგრამ არასდროს მინახავს მათი ჩხუბი, ხშირად დავდიოდით ერთად დასასვენებლად. მამა კვირა დღეს ჩვენთან მოდიოდა და ერთად ვუყურებდით ტელევიზორს, სამივე ერთად ვსადილობდით. მშობლების დაშორების შემდეგაც მაინც ძალიან ახლო ურთიერთობას ვინარჩუნებდით“-ამბობს მსახიობი და მშობლებს მის ყველაზე დიდი გულშემატკივრებად მიიჩნევს-„მშობლები ყოველთვის მხარში მედგნენ, უყურებდნენ ჩემს მცდელობას, მიმეღო როლი. უამრავ საქმეს ითავსებდნენ, იმისთვის რომ ჩემი გადასახდები დაეფარათ. მამაჩემმა იცოდა, რომ მსახიობისთვის სამუშაოს პოვნა ძალიან რთულია, სწორედ ამიტომ ის ყველაზე ამაყი იყო როდესაც მე გავარღვიე ეს წრე და ამ სფეროში მუშაობა შევძელი“. ჰიტად ქცეულ სერიალამდე მეგანი რამდენიმე კომედიაში მეორეხარისხოვან როლში გადაიღეს. როდესაც „Suits”-ის ქასთინგზე მიდიოდა, გზად მიხვდა რომ როლისთვის შეუსაბამოდ ეცვა, H&M-ში შეიარა და მოკლე შავი კაბა იყიდა. გამორჩეული გარეგნობის მქონე მეგანმა ქასთინგზე განსაკუთრებული შთაბეჭდილება მოახდინა. „ვეძებდით ადამიანს, რომელიც განსხვავებულად ლამაზი, მიზანმიმართული და სერიოზული იქნებოდა, მეგანი დავინახეთ თუ არა, მივხვდით რომ ის ამ როლზე იდეალური იქნებოდა“-იხსენებს შოუს რეჟისორი. მეგანს რეალურ ცხოვრებაშიც ასე ახასითებენ ლამაზი, კეთილი და ძალიან სერიოზული გოგო, რომელმაც გასაკვირი სულაც არაა, რომ პრინცის მოხიბვლაც კი შეძლო. მთავარი საერთო მასსა და პრინცს შორის ფილანტროპიაა. მეგანი ქველმოქედია და ასევე აქტიურად იცავს რასიზმისა და გენდერული უთანასწორობის ნიადაგზე ჩაგრულებს. მეგანის დედამ უზრუნველყო, რომ მის პატარა გოგოს ყველაფერი ცოდნოდა სამყაროს პოლიტიკური და ეკონომიკური გამოწვევების შესახებ- „ჩემმა მშობლემა ჩემს გარშემო ისეთი სამყარო შექმნეს, რომ თავი განსხვავებულად არა, მაგრამ განსაკუთრებულად მეგრძნო“-ამბობს მსახიობი, თუმცა მშობლების მიერ შექმნილი სამყაროსგან განსხვავებით სხვანაირი იყო რეალობა. პრობლემები მაშინ დაიწყო, როცა მეშვიდე კლასში სკოლის აღრიცხვის ფურცელი უნდა შეევსო- თეთრკანიანი, შავკანიანი, ლათინოსი და აზიელიდან რომელიმე გრაფა უნდა ამოერჩია. მეგანს ღია და ჭორფლიანი კანი და ხუჭუჭა თმა ჰქონდა, ასეთი გარეგნობის გამო არავინ იცოდა მისი ბირასულობის შესახებ. მეგანი დაიბნა, თვლიდა, რომ თეთრის ან შავკანიანის არჩევით რომელიმე მშობელს უღალატებდა. მასწავლებელმა კი ურჩია თეთრკანიანი შემოეხაზა, მაგრამ მეგანმა ეს გრაფა ცარიელი დატოვა. „ამ პერიოდში შეგრძნებაც ასეთი მქონდა, არ ვიცოდი რომელ გრაფას ვერგებოდი“-ამბობს მსაიხობი, რომელიც დღეს ბირასიული წარმომავლობის ადამიანების აქტიური დამცველია. მეგანის წარმომავლობა პრესის განხილვის თემა გახდა. განიხილავდნენ მსახიობის ცხოვრებას ლოს-ანჯელესის ერთ-ერთ ყველაზე კრიმინალურ უბანში. ბევრი იმასაც წერდა, რომ პრინცის მომავალი სიდედრი ჯერ კიდევ განგსტერებით სავსე სამეზობლოში ცხოვრობს. მეგანის მეგობრები მიიჩნევენ, რომ პრესის ამგვარი შემოტევა რასისტული, სექსისტური და სრულიად უსამართლო იყო.
მეგან მარკლი დროის უმეტეს ნაწილს სამ ქალაქში-ლონდონში, ტორონტოსა და ლოს-ანჯელესში ატარებს. ტორონტოში უკვე მეშვიდე წელია სერიალ „Suits”-ის გადაღებები მიმდინარეობს. „შვიდი კანადური ზამთარი დიდი დროა იმისთვის, ვინც კალიფორნიაში გაიზარდა“-თავადაც გაოცებით აღნიშნავს მსაიხობი. „ლოს-ანჯელესში დავიბადე და გავიზარდე, კალიფორნიელი გოგო ვარ, რომელიც ისეთ გარემოში ცხოვრობს, სადაც სჯერათ, რომ ბევრი რამის განკურნვა შეუძლიათ იოგათი, , სანაპიროზე გატარებული რამდენიმე საათით ან ავოკადოთი“-სწორედ ამიტომ შეეცადა, მისი სახლი ტორონტოში კალიფორნიულ სტილზე მოეწყო. მეგანი გურმანია, უყვარს საჭმელზე ვნებით ლაპარაკი, ეს შტრიხი მისი ეკრანული პერსონაჟის შექმნისასაც გამოიყენეს.
მეგანის კოლეგები სერიალიდან მისი და პრინცის ურთიერთობას განსაკუთრებული პატივისცემით ეპყრობიან და იმასაც ამბობენ, რომ სამეფო ოჯახის ყველაზე მეამბოხე წევრისთვის მეგანი იდეალური მეწყვილეა. ყველაზე საინტერესო კი ამ ისტორიაში, რა თქმა უნდა, დედლოფალი ელიზაბეთ მეორის აზრია. ბევრი მიიჩნევს, რომ პროგრესული დედოფალი, რომელმაც საშუალო კლასის ოჯახიდან გამოსული ქეით მიდლტონი მიიღო რძლად, მეგანისა და ჰარის ურთიერთობასაც დალოცავს. არავინ იცის, დახუჭავს თუ არა უინძორთა ოჯახი თვალს დადგენილ წესებზე, რომელიც სამეფო გვარის წევრს კათოლიკეზე და განქორწინებულ ადამიანზე ქორწინებას უკრძალავს. მეგანი არ გაზრდილა კათოლიკედ, მაგრამ კათოლიკურ სკოლაში სწავლობდა, ასევე ორი წლის განმავლობაში იყო პროდუსერ ტრევორ ენგელსონზე დაქორწინებული. თუ პრინცმა მეგანზე გადაწყვიტა ქორწინება და სავარაუდოა, რომ ასეც მოხდება, მაშინ ეს სამეფო ოჯახის ისტორიაში მეორე შემთხვევა იქნება. პირველი 81 წლის წინ მოხდა, როცა ედუარდ მერვემ უოლის სიმსონზე იქორწინა და სამეფო ტახტიც დაკარგა.
მეგან მარკლისა და პრინც ჰარის სიყვარულის ისტორიას ხშირად ფილმს „The Prince and Showgirl” ადარებენ, სადაც მთავარ როლებს მერილინ მონრო და ლოურენს ოლივიე თამაშობენ. ხშირად აღნიშნავენ, რომ მეგანი განსაკუთრებული ინტელექტისა და შინაგანი სილამაზის მქონე ადამიანია. „პრინცესა დიანას მეგანი რომ გაეცნო, აუცილებლად აღფრთოვანდებოდა მისი პიროვნებით“-ამბობენ მეგანის ნაცნობები.
არავინ იცის, როგორ განვითარდება ამერიკელი მსაიხობისა და პრინცის ურთიერთობა, მაგრამ ამბობენ, რომ მომხიბვლელი მეგანი ბრიტანელების საყვარელი პრინცისთვის იდეალური მეუღლე იქნება. მათ ერთად გამოჩენას მთელი მსოფლიო განსაკუთრებით აკვირდება. ხშირად არღვევენ სამეფო კარის მიერ დადგენილ წესებს და პუბლიკაშიც ხელჩაკიდებულები ჩნდებიან. მეგანი და ჰარი უკვე მსოფლიოს საყვარელი წყვილია.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s